Aram baya nindo mga ka-bombo, an Harrisons Malayalam Plantation sa Varandarappilly, Kerala sa India makukua an pigmirar komo pinakamagayon na cricket ground na nakatago sa oasis sa garo dagat kan berdeng canopy.
An harayo asin tagong cricket ground na ini sa Kerala, India, an nakaguno nin atensyon online huli sa kakaibang lokasyon na makukua sa pinaksentro kan sarong marambong na plantasyon kan kahoy.
Kun hihilingin sa ere, an makapugol-hinangos na kapalibutan an garo Amazon rainforests kan South America alagad ini an pigtatagong kayamanan kan Kerala, na bistado man komo ‘God’s Own Country’.
Ini orihinal na pig-set up kan Harrison Malayalam company pirang dekada naman an nakakalihis para sa mga obrero sa plantasyon kun saen pwede sinda na magpahingalo.
Ini an nagseserbeng sanctuary sa mga obrero kan plantasyon asin magin kan mga residentes sa lugar.
Mientrastanto, mas orog na nabisto an Harrisons Malayalam Plantation cricket ground huli sa video na pig-post kan sarong vlogger.
Sa ngunyan, pigsierto kan pamayuhan kan planta na padagos an saindang pangangataman sa lugar tanganing mamantinir an kagayunan kaini.
