Preparado na an Pilipinas na makipagsabayan sa ibang nasyon asin sa bilog na kinaban pag-abot sa Artificial Intelligence o AI.
Ini an sinaysay ni Presidente Ferdinand Marcos Jr. makalihis panengotan an paglulunsar kan VITRO Santa Rosa Data Center, sarong 50-megawatt hyperscale facility na pigdinisenyo tanganing paglingkuran an mga pangkinaban na lider sa teknolohiya pag-abot sa cloud services asin artificial intelligence o AI.
An pasilidad an pig-develop kan VITRO Inc., sa irarom kan sarong Telecommunications company, na pangenot na obheto an suportaran an pangangaipohan sa advanced computing siring kan cloud services asin AI-driven technologies.
Sa patara-tara kan presidente, sinaysay kaini na an pagbubukas kan data center an patotoo na preparado na an Pilipinas sa mundo kan digitalisasyon.
Sa ibong kaini, sinaysay ni Marcos na igwa pang dapat gibuhon alagad preparado na an nasyon tanganing makasabay sa mundo kan data processing.
An data center an masirbing lalawgon kan Pilipinas sa digital innovation sa Asia-Pacific region asin makakatabang sa mga negosyo sa nasyon na mapatibay an real-time data analytics, automation asin paggamit nin next-generation digital tools.
An nasambitan ng pasilidad an makonektar sa mga pangenot na VITRO hubs sa Makati City, Parañaque City asin Pasig.
