Nagpatanid si Irene Khan, an United Nations Special Rapporteur on Freedom of Opinion and Expression, na paspas na nagsasadit an espasyo para sa kalayaan sa opinyon asin pamamahayag sa kadakol na nasyon dahil sa impluwensya kan mga gobyerno, darakulang kumpanya sa teknolohiya, asin artificial intelligence (AI).
Sa saiyang huring pahayag sa United Nations Human Rights Council sa Geneva, sinabi ni Khan na an kalayaan sa opinyon asin pamamahayag ngunyan iyo na an “privatized, monetized, manipulated, and unlawfully restricted.”
Sigun saiya, nakakadagdag man sa pagluya kan nasabing kalayaan an pagdudugtong kan interes kan estado asin darakulang korporasyon, kun sain ginagamit an kapangyarihang politikal asin ekonomiko tanganing maimpluwensyahan an regulasyon kan AI asin mga digital platform.
Binatikos man kaini an sobrang kapangyarihan kan mga darakulang tech companies, na sigun saiya may impluwensya pang mas dakula kaysa sa dakol na gobyerno asin kulang sa sapat na pananagutan sa publiko.
Dugang pa kaini, apektado an mga mamamahayag, kababaihan, asin mga kabataan dahil sa online abuse asin paghina kan kalidad kan impormasyon na makukua sa internet.
Binatikos ni Khan an paggamit kan nagkapirang nasyon kan mga anti-terrorism laws asin iba pang kriminal na mga batas bilang paagi tanganing supilon an dissent o pagsalungat asin mga mapayapang protesta.
