Inomaw ni Historical Sites Development Officer II Eufemio Agbayani III kan ng National Historical Commission of the Philippines (NHCP) si Pinay tennis star Alex Eala huli sa pinahiiling kaining pagrespeto sa pambansang watawat.
Kasunod ini kan naglakop na video kun saen mahihiling na naghahagad na autograph ang mga fans sa DC Open champion. Saro sa fans ang nag-ofresir na pirmahan ni Eala ang Philippine flag, alagad magalang kaining sinayumahan kan atleta.
Basado sa Republic Act No. 8491 o Flag and Heraldic Code of the Philippines, mahigot na ipinagbabawal ang pagsurat o pagbugtak nin anumang marka sa pambansang simbolo. May kaakibat na padusa an sisay man na mabayolar sa probisyong ini.
Mantang ‘small action’ sana, dakula an ipinahihiwatig kan ginibo ni Eala—an saiyang matibay na respeto sa watawat na saiyang pig-orgulyo kada siya naglalaban sa laog kan tennis court.
