Nagpahiling giraray nin tibay an Pinay tennis sensation na si Alex Eala makalihis na daogon an world No. 10 na si Elina Svitolina sa quarterfinals kan Dc Open.
Sa laban na ginanap sa Washington, DC, nanggana si Eala sa paagi kan straight sets, 6-3,6-4 tanganing makalaog sa semifinals kan prestihiyosong torneo.
Sa enot na set, nagribayan nin puntos an duwa antes nakua ni Eala an 4-2 na abante asin dagosan na isinara an set.
Sa ikaduwang set, madali na naglamang si Svitolina nin 2-0, mantang nakabawi si Eala asin nakapagtala nin tulong sunod na pagkagana paramakua an 4-3 na kalamangan.
Mantang nakapantay pa an Ukraine sa 4-all, nagtinir sa kalmado an Filipina asin tinapos an laban sa huring duwang game.
An pagkagana ay nagpapahiling pa lalo sa husay ni Eala makalihis na enot niyang daogon si Svitolina sa Berlin Open kan Hunyo.
Sa semifinals, makakahampang kaini an dating world No. 1 Naomi Osaka, na dinaog si Elisabetta Cocciaretto.
An kapangganahan na ini an saro na naman na importanteng lakdang para sa Filipina sa saiyang pag-angat sa world tennis level.
