Nagsagibo nin rally an mga miyembro ka Duterte Panagutin Europe asin iba pang grupo na nangangapodan para sa dagusang pagkakakulong ni dating Presidente Rodrigo Duterte asin iba pang kaibahan na soboot responsable sa mahewasang garadanan kan nakalihis na madugong drug war.
Pinangenotan kan grupo an hiro-protesta sa luwas kan International Criminal court (ICC), kaibahan an mga tarpaulin na igwang nakasurat na mga pangapodan.
Kaibahan sa mga ini an pagpapanimbag ki FPRRD, paninindugan para sa hustisya kan mga biktima kan drug war, tulos na hustisya para sa saindang mga pamilya, asin iba pang kaparehas na pangapodan.
Nagsagibo man nin halipot na programa an mga grupo kun saen saindang pigtawan-duon na dae dapat nababalewala an karapatang pantao kan lambang mamamayan.
Ngunyan na aldaw, piglalaomang masagibo liwat an grupo nin halipot na programa harani sa ICC headquarters komo pagpapahiling nin suporta sa mga biktima kan soboot extrajudicial killings na naganap sa nakalihis na administrasyon.
Nagkapira sa mga pamilya kan mga biktima, naenot ng nagbiyahe tanganing personal na mag-atendir sa pagdangog kontra sa dating Presidente.
