NAGA CITY – Siertong makakatabang soboot sa turismo kan syudad nin Naga an planong pagbugtak nin music fountain na Plaza Rizal.
Sa paghampang ni Mayor Nelson Legacion sa mga kagawad kan media, sinaysay kaini na apwera sa musical fountain igwa pang mga nakalinyadang tourism infrastructure projects na planong ipatindog.
Sigon ki Legacion, hali sa Department of Budget and Management (DBM) an panggastos sa nasambitan ng fountain asin preparado naman ini.
Maabot soboot sa labi P9M an pondo para sa fountain mantang an renovation an nasa irarom na kan local source.
Sigon pa ki Legacion, nahihiling niya na napapanahon na para pagayunon an nasambitan ng lugar.
Napag-araman na planong isagibo an renovation sa nasambitan ng plaza pag-katapos na kan Penafrancia Festival.
Mientrastanto, pigsierto man kan alkalde na dae maaapektaran an mga mga taong naghahanapbuhay sa nasambitan ng lugar.
Sigon pa digdi, naiintindihan niya man na igwang nagkakapirang indibidwal na kontra sa proyekto alagad mas dakol man giraray soboot an pabor sa renovation.
Sa ngunian, nanindugan sana an alkalde na para man ini sa ikararahay kan mga syudadano asin kan mismong syudad.
