Aram baya nindo mga ka-bombo, sarong fluffy Pomeranian an milagrong nabuhay makalihis na mahulog gikan sa 12th floor pasiring sa ika siyam na palapag kan sarong apartment building sa Cali, Colombia.
Kan nakalihis na November 19, sarong Colombian na pamilya an nakaeksperyensiya nin labing takot makalihis na marealisar na an saindang ataman na Pomeranian dog an dae mahanap sa 12th-floor kan saindang apartment sa nasambitan ng siyudad.
Saindang hinalughog gabos na sulok kan nasambitan ng apartment alagad dae mahanap an Ido hasta nagdesisyon an mga ini na i-check an bintana.
Digde na nahiling kan pet owners an Ido na yaon sa sadit na labot sa atop kan adjacent building sa ika siyam na palapag. Tolos na nag-apod sa local fire department an may sadiri sa Ido tanganing maisalbar ini.
Labi an pasasalamat kan may sadiri sa Pomeranian dog huli ta milagro ining naisalbar na mayong sinapong lugad.
