Nag-insistir an House Prosecution Spokesperson asin Kabataan Party-list na si Rep. Renee Louise Co na an mga pondo kan Department of Education (DepEd) dapat na itagama sa mga mental health professionals asin classrooms imbes na gamiton bilang confidential funds.
An simbag ni Co iyo an pahayag ni Senador-Judge Robin Padilla na nalikayan kuta an mga insidente nin pambabadil sa mga escuelahan sa Tacloban asin Zamboanga kung an DepEd nagtago nin confidential funds.
Ipinaliwanag ni Co na sa pagtao nin proteksyon sa mga estudyante, dakol an mga bagay na dapat atubangon kun igwa man nin confidential funds an departamento kan edukasyon o mayo.
An nagkapira sa mga bagay na nasambitan ni Co iyo an pagsierto na an mga menor de edad dai magkakaigwa nin mga badil, pag-ataman sa saindang salud nin isip, asin iba pang mga angat na inaagihan kan mga pamilya, eskwelahan, asin komunidad.
Tinawan duon ni Co na P112.5 million an confidential funds kan DepEd kan si Bise Presidente Sara Duterte an sekretarya kaini, alagad minaluwas na ini inabuso asin ginamit sa salang paagi, kaya kabali ini sa mga alegasyon na pigdadangog sa impeachment trial.
