Pormal na isinarado ni Pope Leo XIV an Holy Year kan Simbahang Katolika kan Martes makalihis isarado an Holy Door kan St. Peter’s Basilica, kasabay kan pangapudan sa mga Kristiyano sa bilog na kinaban na magpahiling nin malasakit sa mga nangangaipuhan, orog na sa mga migrante asin dayuhan.
Sa saiyang mensahe sa pigkundusir na seremonya sa Vatican, binalikan kan Santo Papa an pigkakarkulong 33.5 milyong debotong nagpasiring sa Roma sa panahon kan jubilee year. Pigtawan duon kaini an peligro kan paghiling sa tao komo produkto sa tahaw kan soboot baluktot na pananaw kan paghiling sa ibang lahi.
An Holy Year, na bistado man komo jubilee, an karaniwang pigsasagibo tuyong ika-25 taon asin nakatuon sa mga tema kan kapatawadan, pagkakasundo, asin katrangkiluhan.
Sa panahong ini, pigtutugutan an mga peregrino na mag agi sa mga itinalagang Holy Door sa apat na pangenot na basilica sa Roma asin mag atendir sa mga espesyal na aktibidad kan Santo Papa.
Sigun sa mga opisyal kan Vatican asin Italy, nagpakol sa 185 nasyon an pinaggikanan kan mga peregrinong bumisita sa Roma sa 2025 Holy Year, kun saen nagenot an Italy, United States, Spain, Brazil, asin Poland.
Nagin makasaysayan an Holy Year 2025 huli ta binuksan ini kan sarong Santo Papa asin isinarado kan saro pa—sarong pambihirang pangyayari na huring nangyari labi sa 300 taon na an nakakalihis.
Marurumdumang binuksan ni Pope Francis an jubilee antes ini bawian nin buhay kan nakalihis na Abril makalihis man an 12 taon komo lider kan poco mas o menos 1.4 bilyong Katoliko sa bilog na kinaban.
