Nagpatanid an United Broilers Raisers Association (UBRA) sa publiko na maglikay sa pagbakal nin imported frozen chicken sa mga palengke huli sa posibleng peligro sa salud.
Sigun ki UBRA chairman Elias Jose Inciong, nagkakanigo na mag agi sa mahigot na regulasyon asin laboratory testing an imported poultry.
Mas halangkaw an tsansa kan bacterial contamination sa frozen products huli man sa proseso kan packaging asin storage.
Dugang pa kaini, an mga kemikal na ginagamit kontra sa freezer burn an pwedeng magkawsa nin iritasyon sa kublit hasta sa pangungulog kan daghan.
Pighurot man ni Dr. Rolly dela Torre kan UBRA Technical Committee an importansya kan cold chain facility, wastong refrigeration, asin pagsunod sa Food Safety Act asin regulasyon kan National Meat Inspection Service.
Nag apelar an grupo sa gobyerno na kumpiskaron an mga thawed o kontaminadong karne asin papanimagon an mga nagbabayolar sa ley pangkasalbaduhan sa pagkakan.
