NAGA CITY- Preparado na an Parish Pastoral Council for Responsible Voting (PPCRV) Naga para sa papaabuton na 2025 National and Local Election.
Sigun ki Rev. Fr Manuel Emmanuel DP Real- ICP Parish PPCRV, nag-organisa na soboot sinda sa kada parokya sa bilog na siyudad nin mga PPCRV Volunteers tanganing mas makapreparar nin halawig na panahon.
Katakod kaini, pig-schedule naman an orientation para sa nasambitan ng mga volunteers tanganing igwang representate sa kada parokya.
Dugang pa ni Fr Manuel igwa soboot ikukundusir man nin political forum na obhetog tabangan an publiko na mabisto an mga nagdadaralagan na mga kandidato.
Importante an political o candidate forum na ini tanganing tawan boses an mga kandidato asin mas orog pang makilatis kan mga botante an mga nasambitan ng indibdiwal.
Mientrastanto, liwat man na nangapudan si Fr Manuel sa Parishioner na mag volunteer asin magin parte kan Parish Pastoral Council for Responsible Voting.
Marurumduman, an non-partisan, non-sectarian non-profit organization an affiliated sa Catholic Church kan nasyon na igwang trabahong siertuhon na gibuhong libredo, patas asin mayong bahid nin kadayaan an eleksyon sa nasyon.
Sa ngunyan, hagad na sana kaini an matuninong asin salbadong midterm election sa bulan nin Mayo.
