NAGA CITY – Ikukundusir an premirong serbisyo caravan sa upland area sa Calabanga, Camarines Sur.
Sa entrevista kan Bombo Radyo Naga ki Adonis Aguilar Jr., Municipal Councilor kan nasambitan ng banwaan, pigsaysay kaini na sa maabot na Biyernes Hulyo 12, 2024, ikukundusir an nasambitan ng Caravan partikulamente na sa Brgy. Burabod kun saen nasa 10 goverment agencies an mapartisipar digdi.
Basado man sa saindang pag-analisar, an mga Serbisyo Caravan na pigkukundusir sa Centro an dae naaakomodar an mga residentes na nakaistar sa kabukidan. Kun kaya, an saindang lado na mismo an masakat o matukad tanganing maherasan nin serbisyo an mga nasa upland na lugar.
Apwera pa digdi, an tanganing dae na magastosan pa an mga ini tangani sanang magresiber kan siring na asistensya gikan sa lokal na gobierno.
Mientrastanto, lalaoman man na mapartisipar an nasa 10 barangay digdi asin nasa sa free registration pa sana an nasa 212 na an mga mapartisipar.
Katakod kaini, ini man an premirong pagkakataon na ikukundusir an siring na aktibidad sa upland area.
