Maduon na pigpahimutikan ni House Committee on Ethics and Privileges Chairman asin 4Ps Party-list Rep. JC Abalos an huruding-huding na posibleng na-impluwensyahan ni Presidente Ferdinand Bongbong Marcos an desisyon kan Kamara na suspenderon sa laog kan 60 na aldaw si Cavite 4th District Representative Kiko Barzaga.
Sigun ki Abalos, igwang mga susugan an komite sa rekomendasyon na suspenderon si Barzaga asin mayong kinaaraman an Presidente.
Kabali sa pigtukoy ni Abalos na tolong grounds kan suspensyon ki Barzaga an pagbalgar sa House Rules siringman sa Code of Conduct and Ethical Standards for Public Officials and Employees, asin Conduct Unbecoming of a House Member.
Malinaw sigun ki Abalos na igwang mga pigbalgar na panundunan si Barzaga kaya ini pinadusahan kan Kamara asin bakong tanganing pauntukon sa pagtuyaw o pagbatikos ki PBBM.
