Naglangkaw nin dikit an average retail price kan well-milled rice kan enot na parte kan Agosto, segun sa datos kan Philippine Statistics Authority (PSA). An presyo kaini nag-abot sa P49.61 kada kilo durante kan Agosto 1-5, poon sa P49.30 kada kilo kan kabangaan kan Hulyo asin P49.32 kan enot na parte kan Hulyo.
Mas halangkaw man an presyo kan well-milled rice kumpara kan nakaaging taon. Kan amay na parte kan Agosto 2025, an average na presyo kaini P40.61 kada kilo, mantang ini P40.35 kada kilo kan kabangaan kan Agosto 2025.
Mientrastanto, nagbaba an presyo kan preskong karneng orig na may tulang sa P301.06 kada kilo kan enot na parte kan Agosto, gikan sa P306.16 kan kabangaan kan Hulyo asin P307.60 kan enot na parte kan Hulyo. Mas barato man ini kumpara sa P333.74 kada kilo kan amay na parte kan Agosto 2025 asin P330.56 kan kabangaan kan Agosto 2025.
Naglangkaw an presyo kan galunggong sa P241.67 cada kilo poon sa P238.62 kan kabangaan kan Hulyo asin P237.69 kan enot na parte kan Hulyo. Nagbaba an presyo kan sitaw sa P104.10 kada kilo, hali sa P109.87 asin P114.52 kan parehong period.
Naglangkaw man nin dikit an average na presyo kan cooking oil sa P200.04 kada litro kan amay na parte kan Agosto, gikan sa P199.44 kan kabangaan kan Hulyo. Ini mas halangkaw sa P184.50 kada litro kan amay na parte kan Agosto 2025, katakod kan padagos na paglangkaw kan presyo kan nagkapirang mga pundamental na barakalon.
