Piglalaoman an dakulang pagtaas sa presyo kan diesel at gasolina sa masunod na semana huli sa pagtaas kan Global Oil Prices, sigon yan sa sarong Oil Industry Source.
Sigon sa Mean of Platts Singapore (MOPS) prices asin foreign exchange rates poon Agosto 10 hanggang 13, posibleng magkaigwa nin dagdag-presyo sa Diesel nin P3.75 hasta P4.25 kada litro mantang an Gasolina man P2.50 hasta P3.00 kada litro.
Segun sa Industry source, nakaapekto sa pagtaas kan presyo kan langis an pagluya kan optimism sa posibilidad kan peace deal asin liwat na pagkakaigwa nin Shipping traffic sa Strait of Hormuz.
Nagtitiner man an pangamba sa pagbaba kan global oil inventories, limitadong supply gikan sa Middle East Gulf asin pagbawas kan exports gikan sa Black Sea.
Dugang pa digdi an posibilidad kan mga Sanction-Related Disruptions na posiblenng magpahigpit sa global crude supply.
Para man sa diesel, padagos na nakaaapekto sa presyo an Supply Risks sa Middle East asin limitadong exports gikan sa Russia.
Karaniwang inaanunsyo kan mga kompanya nin langis an saindang Price Adjustments tuyong Lunes, na ipinatutupad man sa aldaw nin Martes.
