Si NATO Secretary-General Mark Rutte nagpromesa nin dugang na suporta para sa Ukraine asin pagpapatibay kan depensa sa subangan na kasagkoran kan alyansa, kasunod kan serye nin pag-atake kan mga Russian drones na nagtama harani sa border kan Poland.
An pahayag kan NATO chief iyo an kasunod kan pag-atake kan Russia sa sarong tren asin crossing point harani sa Poland, na nangyari pirang minuto sana matapos mag-agi an tren na kinasakayan kan mga dating lider na sinda dating UK Prime Minister Boris Johnson asin dating Swedish Prime Minister Carl Bildt.
Kinondenar kan mga opisyal kan Europe asin Poland an insidente, mantang nagbabala si Polish Prime Minister Donald Tusk na posibleng magpadagos asin mag-intensify pa an mga kilos-sabotahe asin pag-atake kan Russia sa mga border points sa masunod na mga bulan.
Bilang simbag sa mga pangapodan na pagpauntok kan kaguluhan, inihayag ni US President Donald Trump sa social media na nagkasundo suboot an Russia asin Ukraine na iuntok an pag-atake sa kanya-kanyang energy infrastructure tanganing mapababa an presyo kan langis asin diesel.
Mientratanto, mayo pa nin opisyal na kumpirmasyon hale sa Moscow o Kyiv manungod sa sinasabing kasunduan ni Trump, mantang nagpadagos pa man giraray an mga pag-atake kan Russia sa duwang cargo vessel sa Black Sea asin sa nagkapirang parte kan rehiyon.
Sigon man ni Ukrainian President Volodymyr Zelenskyy na andam an Ukraine na iutok an strikes sa enerhiya kan Russia kun magagarantiya kan mga kaalyadong nasyon na iintok man kan Moscow an pag-atake sa pasilidad asin supply nin pagkakan kan Ukraine bilang inot na lakdang pasiring sa katuninungan.
