Pig-aprubaran na kan Korte Suprema an Rules on Unified Legal Aid Service (ULAS) na igwa nin katuyohan sa mga abogado na magtao nin 60 na oras na libreng serbisyong legal kada tolong taon. An programang ini an para sa mga pobreng mga pinoy.
An mga libreng mga serbisyong legal an pupwedeng pag-representa sa korte, legal counseling, paggibo nin mga legal na dokumento, legal assistance asin pakisaro sa mga accredited legal outreach programs.
Sa irarom kan Rules on Unified Legal Aid Service (ULAS), an isay man na mayong kakayahang magkua nin serbisyong legal an pupwedeng magkua nin libreng legal service.
Katakod kaini, an mga abogado na makakakumpleto nin serbisyo an posibleng makakua nin credits sa irarom kan Mandatory Continuing Legal Education (MCLE) asin makakua nin tax incentives.
Enkaso dae man ninda ini masunod, posible sindang multahan asin dae na makakakua nin Certificate of Good Standing gikan sa Office of the Bar Confidant.
