Nakatalaan na pag-urulayan nin mga miyembro kan World Health Organization (WHO) an pagbawas sa saindang pondo na parte kan $400 milyon katakod sa lakdang ni US Presidnt Donald Trump na bawion an pinakadakulang pondo kan gobierno gikan sa ahensya.
An pagbawas sa pondo an pag-uulayan sa Februry 3-11 Geneva meeting kan mga representante kan miyembro nin estado siringman an pagpopondo kan ahensya asin pagtrabaho para sa panahon kan 2026-2027.
Pigsuhestyon kan executive board na putulon an seksyon kan mga batayang programa kan badyet gikan sa pigsuhestyon na $5.3 bilyon hasta $4.9 bilyon.
Parte ini kan mas mahewas na $7.5 bilyon na badyet para sa 2026-2027 na orihinal na pigsuhestyon kabali na an kwarta para sa pagsimbag kan polio asin paghampang sa mga emerhensiya.
An $4.9 bilyon an haros parehas sa batayang badyet kan programa para sa nakalihis na panahon, 2024-2025.
Marurumduma, pig-anunsyar ni Trump an planong pag-hali sa WHO sa saiyange enot na aldaw sa opisina duwang semana na an nakakalihis.
An proseso an madurar nin sarong taon sa irarom kan ley sa US
