Nagkaigwa nin pagbaba sa presenteng produksyon sa sektor nin aquaculture kan nasyon sa ika-duwang kwarter kan presenteng taon.
Ini an kinumpirmar kan Philippines Statistics Authority sa mga representante kan media.
Basado sa datos kan ahensya, 15.56 milyones na metriko tonelada an nawara sa sektor kan agrikultura.
Kadaklan sa mga produkto na nagbaba na ini an tubo, bagas, asin mais.
Segun sa Department of Agriculture, epekto pa ini kan dai pa sana nahahaloy na El Niño phenomenon.
Nairehistro man kan ahensya an pagbaba kan produksyon nin mga isda sa Pilipinas para sa bulan nin Abril sagkod Hunyo.
Ini orog pang nagbaba sa 1.02-M MT na 6.2% na mas hababa kumparar sa produksyon kan nakalihis na taon.
Pigkokonsiderar na rason kaini iyo an hababang lebel kan produksyon kan mga seaweed, galunggong, asin matang baka.
Pigsierto man ni DA Spokesperson Assistant Secretary Arnel de Mesa na bastante an suplay nin pagkakan sa nasyon.
