NAGA CITY – Makalihis an matinding panlalamasa kan Super Typhoon Carina asin habagat, pinapalikay ni AGRI Party-list Wilbert “Manoy” Lee an publiko kontra sa mga helan kawsa kan pagbaha siring kan typhoid fever, cholera, asin leptospirosis.
Katakod kaini, pig-abisohan ni Lee an mga naglulusong sa baha na mahigot na obserbaran an saindang sadili sa sintomas kan nasambitan ng mga helang asin tulos na magpakonsulta sa doktor.
Pigpasalamatan man ni Lee an mga kawani kan gobyerno asin volunteers na nag-rescue sa satuyang mga kababayan na stranded asin kinaipohang mag-ebakwar, nag-aasikaso sa evacuation centers, pati na sa media na padagos an serbisyo sa taumbayan sa ibong kan delikadong sitwasyon.
Katakod kaini, tinawan-duon man ni Lee sa mga lokal na gobierno na paigtingon an flood and drainage projects asin rekasan an aksyon sa mga lugar na nangangaipohan nin tabang ngunyan.
Ipinunto ni Lee na dapat seryosohon an mga proyektong masimbag sa mahewasang pagbaha nin huli ta igwa man nin pondo an gobyerno para digdi na dapat gamiton sa epektibong flood control.
