Napakawala an North Korea nin pirang ballistic missiles gikan sa Pyongyang pasiring sa silangang parte kan kadagatan bandang alas 7:50 nin pagkaaga ngunyan na Dominggo, December 4 sigun sa militar kan South Korea.
Ini an pinakabagong nairehistrong pagpapakawala kan ballistic missiles kan North Korea makalihis an duwang bulan, kasabay ini kan paparani na pag bisita ni South Korean President Lee Jae-Myung sa China kun saen mapag-uulayan soboot an posibleng kapayapaan sa Korean peninsula.
Sigun ki Wi Sung-lac, security adviser ni Lee, naglalaom an South Korea na dakula an magigin papel kan China sa pagbubusol kan kapayapaan sa pagitan kan South asin North Korea. An pakay soboot ni Lee an enkaminaron an China na pangenutan an posibling peace talk kan South asin North Korea.
Mientrastanto, marurumduman na huring nagpakawala nin ballistic missile an North Korea kan Nobyembre kan nakalihis na taon. Kasabay kan ipinagsugo ni North Korean leader Kim Jong Un na doblehon an produksyon kan saindang mga kagamitang pandigma.
