NAGA CITY- Nabigla suboot asin nadisappoint an nagkapirang mga Pilipino na live na nagdalan sa Planet Hollywood Resort and Casino makalihis na dae makalaog sa top 5 kan Miss Universe Coronation Night an pambato kan Pilipinas na si Rachel Peters.
Sigon ki Bombo Correspondent Carlo Villa, biglang nagsilencio asin nadisappoint an nagkapirang mga Pilipino na nagdalan nin live sa nasambitang beauty pageant makalihis na dae maapod an pangaran ni Peters.
Maging an mga nagdadalan hale sa ibang nasyon naging silencio suboot makalihis na daemapabale an 26-year old Filipina British sa top 5 kan kompetisyon.
Nahiling pa suboot ninda Villa si Peters kaibanan si Camarines Sur Gov. Migz Villafuerte mantang palaog ini sa elevator na garu naghihibi makalihis an beauty pageant.
Sa ibong kaini, sigon ki Villa, nagtitinir na proud pa nanggad sinda sa trayumpo na nakua ni Peters sa international event.
