Kakabitan na nin kuryente an ribu-ribong household antes matapos an taon. Basado sa report na iniluwas kan Department of Energy (DOE), 5,000 household gikan sa manlaen-laen na parte kan nasyon an nakatalaang mapailawan antes matapos an presenteng taon.
Ini an apwera pa sa 17,000 household na dati nang pigtalaan kaining mga nakalihis na taon sa irarom kan Total Electrification Project (TEP) kan National Electrification Administration (NEA).
Kun bebweltadahan sa ika-4 na SONA ni Presidente Ferdinand Marcos Jr., pigpapatutokan kaini sa DOE asin NEA an pagkakabit kan kuryente sa milyon-milyong kaharongan antes matapos an saiyang termino sa 2028.
Basado sa datos kan DOE, hasta 2.018 million na kaharonganna mayo pang kuryente sa presente an laog na sa coverage kan mga electric cooperative asin distribution utilities.
An mga ini an pwede nang makabitan nin kuryente sa paagi kan regular service applications sa tabang kan mga nakakasakop sna kooperatiba.
Hurot kan DOE, nakikipag-kolaborasyon na ini sa Department of the Interior and Local Government (DILG) taganing maparekas an connection, orog na para sa mga nagtitios na pamilya.
Kaibahan sa mga pwedeng ilinya para sa mga ini iyo an mas marekas na permitting process, asin pagpapababa o dagusang pag-waive sa connection fees na pigpataw kan mga lokal na gobyerno asin iba ang akmang tabang.
