Aram baya nindo mga ka-bombo, sarong quadruped robot na si Laibo 2 na pig-developed sa South Korea, an pigmirar komo kaenot-enoting robot na nakakumpleto nin marathon maski pa ini an sarong beses sana na pig-charge makalihis na magdalagan nin 42.195-km sa Sangju Dried Persimmon Marathon.
An nasambitan ng robot an pig-developed ni Professor Hwangbo Je-min asin kan saiyang team sa Korea Advanced Insitute of Science and Technology.
An Laibo 2, sarong advanced quadruped robot na pig-designed na igwang pokus sa endurance.
Pigmirar ini komo first robot na nagdalagan sa bilog na marathon makalihis na makapagrehistro nin nasa 4 hours, 19 minutes, and 52 seconds.
An 42-kg robot an kaipuhan na mag-agi sa masasakit na agihan mantang pigmamantinir an saiyang tanganing makabot sa finish line.
