NAGA CITY- Natapos na an kampanya sa Paris Olympics kan mga Filipina gymnast na sinda Levi Ruivivar, Emma Malabuyo, at Aleah Finnegan.
Ini an makalihis na dae sinda magtrayumpo na makalaog sa Top 24 kan artistics gymnastics na ginanap sa Bercy Arena.
Naglaban an tolo sa Subdivision 3 kun saen nagpuon sa balance beam.
Nakakua si Ruivivar an 11.866 points, mantang igwa nin 11.466 points si Finnegan asin 12.233 points man si Malabuyo.
Sa floor exercise an nakaresiber nin 12.733 si Finnegan, igwa man nin 13.100 si Malabuyo asin 12.433 ki Ruivivar.
Sa vault naman igwa nin 13.600 points si Ruivviar asin 13.266 si Malabuyo mantang si Finnegan an igwa nin 13.383.
Nagtapos an saindang rotation sa uneven bars kun saen nakakua nin puntos na 12.500 si Malabuyo, mantang igwa nin 12.566 si Finnegan asin 13.200 man si Ruivivar.
An nasambitan ng skor an nagpatabla kina Ruivivar asin Malabuyo sa pang 28 asin 29 na kabilogang puntos na 51.099 mantang si Finnegan an nasa pang 33 na igwa nin kabilogang 50.498 points.
Sulamenteng an Top 24 na atleta sana asin top 8 sa kada apparatus an abanse sa Finals na igwa nin hasta duwang atleta sana kada nasyon an pupwedeng mag-qualify.
Sa ibong kan pagkadaog, nakagibo man nin history an tolo para sa Pilipinas sa laog kan 60 taon nin huli ta liwat nagkaigwa nin pambato an nasyon sa gymnasts sa Olympics.
