Nagluwas na kan saiyang pahayag an actor na si Sandro Muhlach makalihis an nangyari na pang-aabusong sekswal sa saiya.
Sa social media account kaini, labi ining nagpapasalamat sa hustisya sa nasyon nin huli ta dae ini pinabayaan.
An nasambitan ng pagluwas nin pahayag kan actor an kasunod kan pormal na pagsunad na kan Department of Justice nin kasong sexual abuse kontra sa independent contractors kan GMA network na sinda Jojo Nones asin Richard Cruz.
Sinaysay kaini na kadakol nin mga anngat an saiyang hinampang asin dugang na kulog gikan sa pangungutya kan publiko.
Dugang pa kaini na namamatean kaini an takot kanmga biktima nin pang-aabuso orog na kan sinda an maglantad kun saen nadipisilan an mga ini kan online bullying asin kritisismo.
Pig-enkaminar kaini an mga may parehas na naeksperyensiyahan na maglantad asin dae magpadaog sa mga mawot na magpataninong sa sainda.
