Tinawan duon ni Batangas Representative Gerville Luistro na sapat na an pagkaka-convict sa saro sanang artikulo kan impeachment tanganing mapatalsik sa puwesto asin dagusan ng madiskwalipikar sa pagkapot nin ano man na posisyon sa gobyerno si Vice President Sara Duterte.
Segun ki Luistro, maboto an Senado bilang impeachment court sa kada artikulo makalihis maiprisentar an ebidensya sa apat na reklamo laban ki Duterte, kabali na an isyu kan confidential funds, panunuhol, dae maipaliwanag na kayamanan, asin an suboot pagbabanta.
Sinabi man ni Luistro na kun makakuha nin 16 na boto an sarong artikulo, sapat na ini tanganing mahatulan an sarong impeachable official asin maipataw an padusang perpetual disqualification sa pagkapot nin pampublikong posisyon.
Piglinaw man kan lehislador na dawa magbutas suboot sa puwesto si Duterte antes matapos an paglilitis, dapat pa man giraray na ipadagos an impeachment trial huli ta nagtitiner na usapin an posibleng habambuhay na diskwalipikasyon sa serbisyo publiko.
