Aram baya nindo mga ka-Bombo, sarong babae gikan sa Ohio an nakaresebir nin bouquet nin mga scratch-off lottery ticket komo regalo sa kaaldawan kaini gikan sa saiyang matalik na amigo na nagin rason kan saiyang kapangganahan nin kantindad na $20,000.
An residente kan Canton na binistong si Wendy, inistorya sa mga opisyal kan Ohio lottery na an saiyang best friend na si Carrie an nagtao sa saiya nin bouquet na pigbibilog kan 60 Ohio Lottery scratch-off-ticket sa saiyang birthday.
Sigun ki Wendy, saro sa mga ticket na saiyang kinaskas sa harong ninda an igwang $2 Cash Explosion Cashword na nagluwas na igwang premyong $20,000.
Hurot pa kaini na idto soboot an aldaw na pinakamagayon na pagselebrar kan saiyang birthday huli sa party.
Alagad mas orog pa ining nagin espesyal kan manggana ini sa huri nin scratch-off ticket.
Dugang pa ni Wendy, balak kaining gamiton an napangganahang kwarta tanganing mabayadan an saiyang mga credit card asin ibali si Carrie sa sarong girl’s trip.
