Sarong gadan asin duwa an lugadan sa insidente nin pambabadel sa downtown Las Vegas, United States of America, kan nakaaging Biyernes nin banggi.
An sarong biktima idineklarar na dead on arrival sa ospital, mantang an duwa pa nakaresibi nin mga lugad na dae man peligroso sa buhay.
Nangyari an insidente harani sa South Main Street asin West Charleston Boulevard.
An mga pulis kan Las Vegas, na nakadeploy harani sa lugar, nakadangog nin mga putok nin badil.
Advertisement
Base sa inisyal na imbestigasyon, nagpoon an pamamaril sa sarong pisikal na pag-iriwal sa pagitan kan mga biktima asin mga suspek.
Durante kan iriwal, bigla na sanang naghugot nin armas an saro sa mga suspek asin pinaputukan an mga biktima bago nagdulag.
Advertisement
