Sarong babae an nagadan asin nawawara an saiyang agom matapos anodon an jeepney na saindang sinasakayan sa Paninsingin River sa Rosario, Batangas kan nakaaging Sabado nin hapon.
An insidente nangyari sa Brgy. Colongan, Rosario, Batangas, kun sain nakua an hawak kan babae sa isinagibong search and rescue operations.
Base sa imbestigasyon, pinirit kan driver kan jeepney na tawidon an salog sa ibong kan makusog na agos na resulta kan pag-uran sa karatig na lugar.
Ini sa ibong kan pagkontra asin pangamba kan mga pasahero.
Advertisement
Sa tabang kan mga residente sa lugar, dose katawo an matrayumpong naisalbar.
Padagos pa man an paghanap kan mga awtoridad sa nawawarang lalaki.
Advertisement
