NAGA CITY- Dead on arrival an sarong lalaki makalihis malamos sa kadagatang sakop kan Real Quezon.
Binisto an biktima na si Joemarie Culi Lobus, nasa legal na edad asin residente kan 14 Saint Agnes St., Provident Village, Tañong, Marikina City.
Sa nagunong impormasyon kan Bombo Radyo Naga sa Quezon Police Provincial Office, napag-araman na nadukayan na sana an mayo ng buhay na lawas kan biktima sa baybayon na sakop kan Paninap 5 Beach Resort, Sitio Kalumangkas, Brgy Pandan, sa nasambitan ng banwaan bandang alas 9:30 nin pagkaaga kasuudma, Mayo 04, 2024.
Sa inisyal na imbestigasyon kan mga otoridad, napag-araman pa na nag checked in an biktima kaibanan an saiyang kaparientes asin mga ka-fraternity bandang alas-5 nin pagkaaga para sa saindang team building.
Mientrastanto, pigdalagan pa man an biktima sa ospital alagad pigdeklarar man sana ining dead on arrival kan doktor.
Sa ngunyan, nagpapadagos pa an pigsasagibong imbestigasyon kan mga otoridad dapit sa nasambitan ng insidente.
