NAGA CITY- Nagtutubod an sarong paratukdo sa siyudad nin Naga na nagkakaigwa na nin deriksyon an gobierno sa mga presenteng isyu na kinakahampang kan nasyon.
Sa entrevista kan Bombo Radyo Naga ki Kenjie Jimenea, Dean of Student and Alumni Affairs and concurrent OIC Dean kan College of Arts and Sciences, pigsaysay kaini na sa gabos na pigsaysay ni President Ferdinand Marcos Jr., sa saiyang ikatolong State of the Nation Address (SONA) kasuudma Hulyo 22, 2023 an dapit sa pagtatao kaini nin dalan na salungat na polisiya sa nakalihis na administrasyon. Siring kan POGO na ipinagbabawal na kan presidente sa satuyang nasyon.
Marurumdoman an nasambitan ng offshore gaming an naglaog asin nag-operate sa nasyon sa panahon kan Duterte Administration.
Ikaduwa na digdi an nangyayari sa West Philippine Sea, kun saen sa dating administrasyon an bakong marhay na bukas an gobierno sa pagtao nin duon na an nasambitan ng kadagatan an sa Pilipinas.
Sigun pa soboot sa presidente na mapadagos an war on drugs alagad mayong madanak nin dugo asin bakong arog kan nangyari sa nakalihis na administrasyon.
Huli digdi, nahihiling ni Jimenea na an mga nasambitan ng isyu na kinakahampang kan nasyon an nagkakaigwa na nin deriksyon.
Mientrastanto, pag-abot man sa sektor kan edukasyon, nagin marhay man soboot an sinabi kan presidente na dapat magkaigwa nin koordinasyon an manlaen-laen na sektor kan gobierno na nasa sektor kan edukasyon, siring na sana kan CHED, TESDA, DepEd asin Department of Labor orog na ta nanunutaran man soboot kan presidente na igwa nin krisis na nangyayari sa edukasyon.
Pigtawan-duon man ni Jimenea na obligasyon kuta ni Vice President Sara Duterte asin iba pang senador komo sarong public officials asin susog naman sa konstitusyon. Alagad, pigrerespeto man kaini an desisyon kan nasambitan ng mga opisyal.
