NAGA CITY- Dae nag-uuntok an pamayuhan kan barangay council kan Tinago, Naga City sa pagkondusir nin manlaen-laen na interbensyon tanganing dae na madugangan pa an numero kan nagpositibo sa dengue sa saindang lugar.
Sa entrevista kan Bombo Radyo Naga ki Estelita Bautista, kapitan kan nasambitan ng barangay, sinaysay kaini na permi sindang nagkokondusir nin mga clean up drive asin surusemana nagrereport sinda sa Department of Interior ang Local Government dapit digdi.
Nagpaabot man nin pasasalamat an opisyal sa mga residentes sa saindang barangay sa pakikisumaro kan mga ini sa saindang mga programa na pigsasagibo.
Sa ngunyan, pagirumdom na sana kan opisyal sa lambang saro na mantiniron an kalinigan nin huli ta nagtitinir na ini an pusog na sandata kontra sa helang na dengue.
