Nag-abot sa 144 milyong international visitors an nagbisita sa Southeast Asia kan taong-2025, sigun sa report kan mga ASEAN tourism ministers sa 29th ASEAN Tourism Ministers Meeting sa Cebu.
Kasabay kaini, inaprubahan kan mga ministry an bagong limang-taong plano (2026-2030) na obhetong pakusugon an global brand kan ASEAN, mapamarhay an connectivity, asin enkaminaron an multi-country travel sa rehiyon.
Napag-araman na nakatuon an joint regional marketing, co-branded campaigns, asin digital promotions an limang taong strategy kan ASEAN tanganing ipahiling an sarong seamless tourism market kan ASEAN, imbes na iba-iba na mga ini.
Binanggit man kan mga opisyal an cruise tourism komo bagong oportunidad sa pag-uswag, pati na man an pagpapamarhay kan port infrastructure asin travel facilitation.
Pigtawan-duon man an importansiya kan sustainable asin kalidad na turismo na nagsusuporta sa kapalibotan asin komunidad.
Napag-araman man na an masunod na ASEAN Tourism Ministers Meeting an gaganapon sa Singapore sa Enero 2027.
