Makalihis an haros apat na dekada sa kinaban nin boksing komo fighter, trainer, matchmaker, asin promoter, pagtubod ni Sean Gibbons, nahiling na kaini an gabos. Alagad nagbago ini kan makatrabaho kaini an Pambansang Kamao Manny Pacquiao.
Sigun ki Gibbons mayo pa nin nakalampas sa higos asin man tibay ni Pacquiao mantang pigdadalan ini na mag-ensayo para sa saiyang laban kontra Mario Barrios sa WBC welterweight title sa Sabado.
Sa edad na 46, padagos pa man an matinding conditioning ni Pacquiao — na para sa saiya mas grabe pa sa mga huben na bosingero siring ni Eumir Marcial, na sakit makasabay sa training kan boxing legend.
Dugang pa kaini, garu nagbalik sa 2019 prime form si Pacquiao sa kalidad kan saiyang preparasyon ngunyan.
Sa sobrang paghanga, sinaysay ni Gibbons na kun madadaog ni Pacquiao si Barrios, dapat ining liwat na i-induct sa International Boxing Hall of Fame.
Mientrastanto, sa mga huring aldaw kan saiyang training, dae pa man nagbubutas si Pacquiao.
