Paramientras na pigpa-untok kan Philippine Coast Guard(PCG) an ginigibo kaining search and rescue operations sa MV Trisha Kerstin 3, an barkong naglubog sa kadagatan na sakop kan Basilan, pirang aldaw na an nakakalihis .
Sigun ki PCG Spokesperson, Captain Noemie Cayabyab, kasuudma, ipinagpadagos pa an operasyon alagad kinaipuhang iuntok paramientras huli sa maraot an panahon.
Ngunyan na aldaw, kinaipuhang magtinir sa mga pantalan an mga ginagamit na barko komo pagsierto sa kasalbaduhan kan mga ini asin mga diver, PCG personnel na nagsasagibo nin operasyon.
Pigtawan duon pa ni Capt. Cayabyab, kun tolos na nagmarhay an panahon, ipapadagos man an nauntok na operasyon asin an full deployment sa mga dating ginagamit na assets, divers.
Positibo pa pa man an coast guard official na mahahanap an mga lawas.
Sa ngunyan, hasta sampulong katawo pa an nawawara basado sa orihinal na listahan kan mga naisalbar asin mga narecover.
Hasta kasubangi, nagpakol na sa 45 na lawas an kumpirmadong narecover gikan sa naglubog na barko, pirang aldaw na an nakakalihis.
Naaraman naman kan PCG an lokasyon kan barko asin ini an saro sa mga pangenot na sisisidon liwat kan mga diver enkaso magbalik na an saindang operasyon.
Duwang lawas na an enot na nakua gikan sa nasambitan ng vessel. An mga ini an naipit soboot kaibahan kan barko na naglubog sa irarom kan kadagatan.
