Pighigotan na an ipinapairal na seguridad sa US capitol pirang oras antes an huring aldaw kan pagboto para sa 2024 US Presidential elections sa Martes, Nobiyembre 5, oras sa Amerika.
Katakod kaini, nag-install na nin haralangkaw na bakod sa capital city na Washington, D.C.
Pig-organisar na man an mga election watch parties sa bilog na estado. Enot nang nagboto an nasa labi 77 milyong namamanwaang botante kan Amerika sa early voting sa paagi kan mail mantang an iba man in-person.
Mientrastanto, piglalaoman man na magigin makasaysaysan an eleksyon sa Amerika ngunyan na taon isay man an manggana sa pag-ultanan 2 presidential candidates na sinda US VP Kamala Harris asin dating US President Donald Trump.
Enkaso man manggana si Harris, ini an magigin kaenot-inuting Presidente sa histurya kan Amerika. Ini man an magigin enot na Black woman asin may South Asian descent na matukaw sa pinakahalangkaw na posisyon sa White House.
Enkaso man liwat eliher na Presidente si Trump, kakaibang historical accomplishment man ini kun nagkataon nin huli ta ini an magigin kaenot-inuting Presidente kan Amerika na convicted sa felony.
Marurumdoman na nahatulang guilty an dating Presidente sa 34 na numero kan felony para sa hush money case 5 bulan na an nakakalihis.
Presente man nahahampang si Trump sa iba pang felony charges sa 2 magkasuway na criminal cases.
