Liwat na nagpalawig si Senador Loren Legarda kan saiyang medical leave, segun ki Senate Secretary Rey Bantug.
Kinumpirmar ni Bantug na dae mapartisipar si Legarda sa sesyon kan Senado poon Setyembre 7 hasta 9 asin Setyembre 14 hasta 16.
Nagpuon an medical leave kan senadora kan Agosto 3 asin nagkapirang beses nang pigpalawig poon kan dae siya nakaatendir sa mga sesyon kan Senado.
Kan Agosto 24, ibinareta kan Senado na liwat na pinalawig ni Legarda an saiyang leave para sa Agosto 24 hasta 26 asin Setyembre 1 hasta 2.
Mientrastanto, sinabi ni Senate President Sherwin Gatchalian kan mga nakaaging semana na grabe an helang ni Legarda, alagad dae na siya nagtao nin dugang na detalye huli ta personal an bagay na ini.
Mayo pa nin pahayag an kampo ni Legarda manungod sa pinakahuring extension kan saiyang medical leave.
