Pigpapaimbestigaran ni Senator Tito Sotto III an mga epekto kan sobrang screen time asin exposure kan mga jovenes sa mga nakakadanyar na online content sa mga jovenes.
Partikular na pighihiling kan senador an mga epekto sa mental health, safety, moral development, asin pangkagabsan na karahayan kan mga jovenes na overexposed sa social media.
Sisiyasaton man kan pag-aadal kun an paglangkaw kan bilang kan mga hobenes na imbuelto sa kadahasan, mga pagkakasala na may relasyon sa cyber, asin iba pang maraot na gawe-gawe may koneksyon sa paggamit kan social media.
Sinabi ni Sotto na an paggamit kan digital na teknolohiya nagbuyagyag sa mga hobenes sa cyberbullying, online sexual exploitation, grooming, self-harm content, salang impormasyon, asin mga materyales na may relasyon sa sugal.
Sinabi man kaini na igwa nin mga pag-aadal na an sobrang oras sa screen sa mga hobenes nagigin dahelan nin grabeng kahaditan, depresyon, mga diperensya sa pagturog, asin iba pang mga kahaditan sa salud nin isip.
