Pigsierto ni House Speaker Faustino “Bojie” Dy III na matinir na katuwang kan mga obrerong Pilipino an House of Representatives (HOR), kasabay kan padagos na pagubusol kan mga repormang pabor sa sektor kan paggibo.
Sa saiyang patara-tara sa ika-50 anibersaryo kan Trade Union Congress of the Philippines (TUCP), sinaysay ni Dy na bukas an Kamara sa pakikipagtabangan sa mga union asin organisasyon kan obrero, na soboot importante sa pag-uswag kan nasyon.
Pigtawan-duon kan Speaker an mga prosopwestong pigbubusol sa Kongreso, kaibahan an mas matibay na proteksiyon kontra sa diskriminasyon sa trabaho, pagtatatag kan barangay-level workers’ registry, modernisasyon kan National Registry of Workers, asin pagpapatibay kan programang TUPAD para sa mga displaced asin vulnerable workers.
Naunambitan man kaini an suporta kan House sa mga freelancer asin online workers, pagbubusol kan mas makatarungang minimum wage system, asin ratipikasyon kan ILO Convention 188 para sa proteksyon kan mga parasira.
Sigun ki Dy, malinaw an mensahe kan Kamara na dae kaini uuntokan an laban para sa mas makatawo, makatarungang polisiya para sa mga obrerong Pilipino.
