Nagbweltada liwat sa bingit nin pagkadaog an for-timechampion na si Iga Swiatek, asin dinaog si Elena Rybakina tangani makalaog sa quarterfinals kan French Open.
Sa enot, nadipisilan si Swiatek asin man haros madaog na, alagad nakahanap ini nin tamang diskarte tangani magtrayumpo man giraray sa tulong set sa skor na, 1-6, 6-3, 7-5.
Sa ibong man na banda, si Carlos Alcaraz, presenteng may kapot kan men’s title, an nang gana kontra ki Ben Shelton tangani maabot an quarterfinals sa ikaapat na sunod na taon.
An masunod na hamon para ki Swiatek an si Elina Svitolina, mantang si Alcaraz man ay makakaatubang si Tommy Paul sa quarterfinals.
Si Aryna Sabalenka an naglaog man sa quarterfinals makalihis na daugon si Amanda Anisimova, na ginibong sampulong sunod na Grand Slam quarterfinal appearances kaini.
