Pig-enkaminar ni Senator Loren Legarda an mas hararom asin sistematikong reporma sa Department of Education (DepEd) na makonektar sa aktuwal na sitwasyon sa mga eskwelaham asin sa obhetong pag-uswag kan nasyon.
Sa sarong pahayag, ipinaliwang ini ni Legarda, Co-Chairperson kan Second Congressional Commission on Education (EDCOM II), asin Chairperson kan Senate Committee on Higher, Technical, and Vocational Education, sa isinagibong sectoral review kan komisyon kaibahan an DepEd.
Basado sa pagsusuri kan EDCOM II, pigtawan-duon ni Legarda na padagos pa man giraray na pasan kan sistema kan edukasyon an hararom na problemang pang-istruktura: igwang kakulagan nin poco mas o menos 165,000 na eskwelaham asin sulamenteng 30% sana kan mga eskwelahan an nasa marhay na kamugtakan.
Kaipuhan man nin 32,916 na paratukdo asin 22,124 na principal sa bilog na nasyon, apwera pa sa 1,338 bakanteng posisyon para sa mga school head.
Lambang kawani kan Schools Division Office (SDO) an nagsisirbi sa average na 1,237 na estudyante asin 33 eskwelayan, na nagpapahiling kan sobrang trabaho.
Pig-omaw man ni Legarda an mga lakdang kan DepEd tanganing simbagan an mga problemang ini, siring kan pagkriar nin 20,000 bagong posisyon para sa mga paratukdo asin 10,000 Administrative Officer II, pati na an obhetong One School, One Principal tanganing gibuhong propesyonal an pamamayo sa mga eskwelahan.
Nagpaluwas an DepEd nin enot na Medical Allowance Guidelines, linangkawan an Teaching Support Subsidy kan mga pribadong paratukdo gikan sa P18,000 pasiring P24,000 asin dinoble an Teaching Supplies Allowance sa P10,000 sa irarom kan Kabalikat sa Pagtutukdo Act, na pigbusol ni Legarda.
Ipinaaran man kan DepEd na presente ining naggigibo nin 328 Child Development Centers kaibahan an mga lokal na gobyerno, asin pigbibilog an Project Ligtas, sarong tool na nagmamapa nin mga geohazard sa palibot kan mga eskwelahan. Piglunsar man kan ahensiya an Project Talino para sa data-driven partnet matching, asin Project SIGLA tanganing subaybayan an salud asin nutrisyon kan mga estudyante.
Pigbusol man ni Legarda an pagpapautob ka National Environmental Awareness and Education Act of 2008, na ini mismo an may-akda, asin pighapot kun pano pigtutukdo an kultura asin historya sa mga eskwelahan.
Pigsierto kan DepEd na nakapalaog sa kurikulum an environmental literacy asin cultural identity.
Pigtawan-duon man ni Legarda an pangangaipuhan kan padagos na pondp para sa Alternative Learning System (ALS) asin Indigenous Peoples Education (IPED) programs.
Sigun sa report kan DepEd, 46% sana kan mga ALS learner an nakatapos kan school year 2023-2024.
Pinagtibay an senadora an obhetong pagsusuri kan EDCOM II na ilinya an gobyerno sa edukasyon sa nasuuskol na resulta kan human development.
