NAGA CITY- Padagos nguniang nagpaparahay an tolong persona makalihis mabudalan kan sarong motorsiklo an sinusundan kaining motorsiklo sa kalabaan kan tinampo sa Zone 1 Brgy
San Isidro, Tinambac, Camarines Sur.
Binisto an mga nairido na sinda Bernie Casilao, 23 anyos, driver kan motorsiklo, backrider kaini na si Roberto Casilao, 57 anyos asin an driver kan saro pang motorsiklo na si Modesto
“Boyet” Claveria.
Sa nagunong impormasyon kan Bombo Radyo Naga napag araman na binabagtas ninda Casilao asin kan backrider kaini lunad nin motorsiklo an kalabaan kan tinampo sa nasambitan
ng lugar kan bigla na sana ining mabudalan kan nagsusunod na motorsiklong minamaneho ni Claveria.
Huli digdi, nagsapo nin lugad sa saindang lawas an mga persona na tulos idinalagan sa ospital.
Sa inisyal na imbestigasyon kan mga otoridad nagluluwas na nakainom si Claverio kan mangyari an nasambitan ng aksidente.
Sa ngunian, nagpapadagos pa man an imbestigasyon kan mga otoridad manungod sa nasambitan ng insidente.
