NAGA CITY-Pig-anunsiyar ni dating senator Antonio Trillanes IV na plano kaini nin sunadan nin kasong plunder sina dating presidente Rodrigo Duterte asin senator Bong Go, kun saen pig-aakusaran kaini na imbwelto an mga nasambitan sa korapsyon pag-abot sa nagkakantidad nin lampas ₱6 Billion nin proyektong pang-imprastraktura.
Sigun ki Trillanes, ini konektado sa manlaen-laen na infrastructure projects na pig-award sa ama asin tugang ni Bong Go kan alkalde pa kan Davao City si Duterte.
Dugang pa kaini kabali sa saiyang ebidensya an mga dokumentos gikan sa Commission on Audit na nakua kaini kan ini senador pa.
Sigun ki Trillanes matao ini nin dugang pa nin detalyes pag naisunad na kaini nin opisyal an kaso.
Saiya soboot kamawotan na iheras an soboot korapsyon ni Duterte asin Go asin mapanimbag an mga ini.
