Nakatalaan na magka-ulay sinda US President Donald Trump asin Russian President Vladimir Putin ngunyan na semana katakod sa ceasefire sa Ukraine-Russia war, sigun ki US envoy Steve Witkoff.
Ini na an magigin ikaduwang pag-urulay kan duwang lider magpuon kan magtukaw sa ikalawang termino si Trump kan nakalihis na bulan nin Enero.
Enot na nagka-ulay sinda Trump asin Putin Kan nakalihis man na Pebrero kun saen nagkasundo an duwa na puonan an high-level talks katakod sa pagwawakas kan giyera sa Ukraine.
Nagtutubod man an US envoy na magigin marahay asin positibo an kaluluwasan kan magigin pag-uulay ninda Trump asin Putin ngunyan na semana.
Dae naman malinaw pa kun matugot an duwang lider sa pagbusol kan 30 aldaw na ceasefire na ipinanukala kan US.
Naenot na nagtugot an Ukraine para sa nasambitan ng kasunduan mantang sinabi man ni Putin na sinusuportaran ninda an nasambitan ng propwesto alagad naglatag nin pirang serye kan mga kondisyon antes na magtao nin pagtugot sa ceasefire deal.
