Hinali na ni US Pres. Donald Trump an enot na babayeng namayo sa coast guard kan Estados Unidoso na si Coast Guard Commandant, Admiral Linda Fagan
Si Fagan an enot na babayeng namayo sa sarong branch kan US Armed Forces makalihis ining italaga ni dating US Pres. Joe Biden kan 2022.
Sa enot na aldaw ni Trump sa saiyang opisina, tulos kaining hinali si Fagan huli sa soboot ‘leadership deficiencies asin operational failureas’, kaiba na soboot an dae pagtrayumpo ni Fagan na pakusugon pa an strategic objective kan US Coast Guard.
Si Fagan an ika-27 commandant kan US Coast Guard.
Antes kaini an nag sirbi ini komo ika-32 vice commandant. Nagsirbi man ini komo commander kan US – Coast Guard Pacific Area.
Ini an pinaka-enot na babayeng four-star admiral kan Coast Guard. Sa presente, mayo pang pinangaranan na maribay ki Fagan.
