Nagtitinir na igwang magayon na salud si US President Donald Trump.
Pigsaysay kan White House doctor na si Captain Sean Barbabella na normal an general physical functions asin kabilugang lawas ni Trump.
An 78-anyos na US President an nagsairarom sa annual general check-up kan nakalihis na aldaw.
Maski na igwang lugad sa toong parte kan talinga huli sa pagpurbar na pambabadil sa saiya nagtitinir na aktibo ini.
Sa haros limang oras na medical examination ki Trump na pigkundusir sa Walter Reed hospital sa Bethesda, Maryland nagsairarom ini sa nagkapirang blood tests, cardiac examination asin ultrasounds.
Mayo man nahiling na senyales kan depression o anxiety sa Presidente makalihis an pigkundusir na neurological test sa saiyang mental status, nerves, motor asin sensory function.
