Pinatanidad ni US President Donald Trump an mga obrero kan gobyerno na nagsusuporta sa mga Democrats mantang nakakaeksperyensiya nin government shutdown.
Sinaysay kan US President na an mga Democrats Senators an nasa likod kan shut down kaya importante na magsagibo nin mahewasang paghali kan mga tawo.
Ipinagtanggol ni White House press secretary Karoline Leavitt an pahayag ni Trump kun saen igwa ining kapangyarihan tanganing magbawas nin mga federal workforce kun saen makakatipid an gobyerno.
Dae kaya nagkasundo an mga Democrats asin Republicans sa mga spending bill kun saen hinarang kan Democrats an pigbubusol ni Trump na Affordable Care Act kun saen kun naipasa ini, tulos na mawawaran an 20 milyong indibidwal nin saindang healthcare.
Tuyong nagkakaigwa nin government shutdown, paramientras na pigpapauntok kan federal agencies an gabos kan mga non-essential services.
Nasa 25 percent kan federal workforce an apektado kan shutdown huli ta dae sinda mababayadan.
Mantang an mga essential workers siring kan police, ambulance workers asin air traffic controllers, mapadagos an trabaho alagad dae sinda masasahudan.
Makakaresebir sana sinda nin back-up pay kun nagkasundo na an duwang partido sa kongreso.
