Nagpatanid an United Nations kaining Miyerkules manungod sa huma kan nagdadangadang na super El Niño asin sinabi ninda na kaipuhan na an tulos-tulos na aksyon tanganing makapreparar sa pinakamaraot kaining epekto.
Piglalaoman na maeeksperyensiya an kasukdulan kan super El Niño sa maabot na Disyembre ngunyan na taon, asin magpapadagos ini sagkod sa 2027 asin sa mga masunod pang taon.
Katakod kaini, nangapudan an ahensya na magkaigwa nin pankinaban na mga lakdang para sa mga estado asin minilyon na populasyon na ‘pinakabulnerable’ sa El Niño.
Segun man ki UN Undersecretary-general for Humanitarian Affairs Tom Fletcher, mas magigin mapanlaglag an epekto kan El Niño sa rehiyon kan Latin America, easter at southern Africa, siring man sa Asia kaiba an Pasipiko kun sain pwedeng maranasan an hagupit kaini sa mga lakop na relokasyon, paglangkaw kan presyo kan krudo asin pampataba sa umahan, asin grabeng cuts sa pinansyal na tabang.
Kasunod kaini, nangapudan man si Fletcher sa mga gobyerno kan mga nasyon, siring man sa development banks asin international financial institutions na makikabale sa pagtabang sa pagpreparar kontra sa El Niño bago pa mangyari an mga danyos.
Naeksperyensihan an huring hagupit kan El Niño kan 2023 kun sain binansagan ining second-hottest year, mantang kapot man kan 2024 an all-time high record kaini.
